Vellukka rekefest

Ver no velkomne med æra!

Fredag 31. oktober inviterte Giske Rotaryklubb til rekefest. Rotarymedlemmar frå klubbane på Nordre Sunnmøre, med følgje og vener, var inviterte. Til saman møtte 50 personar frå nesten alle klubbane på Nordre Sunnmøre opp til eit vakkert pynta festlokale.

Det vart ein riktig triveleg kveld med mykje song og musikk. Særleg Johannes Vik, barnebarnet til presidenten, imponerte stort med si fantastiske framføring på altsaksofon. Dei nydelege tonane vart møtte med høglydte ovasjonar og ståande applaus.

Allsongen vart akkompagnert av presidenten på gitar.

Etter god mat og drikke vart det variert underhaldning med visesong, forteljingar, kahoot (quiz) og lotteri. Harald Gjørtz framførte nokre fine viser akkompagnert av Arnfinn på gitar.

Som vanleg var det Ludvig som stod for quizen, som denne gongen vart presentert som ein kahoot, til stort engasjement blant dei frammøtte.

Vi fekk servert kaffi og gode kaker, og assisterande guvernør Kristin Wangensteen takka for maten.

Ein stor takk går til alle gjestene og til dei som stod på for å få alt i stand – det vart ein fantastisk fin festkveld!

Borda er ferdig pynta, vi ventar på festdeltakarane

em>Festdeltakarane er på plass, og praten går allereie livleg

Presidenten var konferanser

Unge Johannes Vik imponerte alle med sitt flotte saxofonspel. 

Harald Gjørtz framførte eit knippe viser av Evert Taube, Hartvig Kiran, Tove Janson og Ola Bremnes. Arnfinn akkompagnerte på gitar.

God stemning rundt borda

Nydelege kaker

Allsong rundt festpynta bord

Sigerspallen for quizen

Assisterande guvernør Kristin Wangensteen takka for maten

Svein Kobbenes har mange gode historier på lager, og delte eit par av dei med oss.

12. desember 2025

Juleavslutning i "Grotten"

Torsdag 11. desember 2025 var vi for tredje år på rad samla i Leiren hos Britt og Per Otto til julegløgg og til julesong i "grotten" - den gamle tyskerbunkeren i hagen deira.

22. november 2025

20.11.2025 Besøk hos Nordnes-gruppa på Gjøsund

Nordnes-gruppa driv fleire fiskebåtar, mellom andre trålarane Nordstar og Nordbas, og er sterkt engasjert i utbygginga av Gjøsund hamn.

14. november 2025

Besøk hos Nordic Wildfish

Torsdag 13. november 2025 var vi på bedriftsbesøk hos Nordic Wildfish i dei nyrenoverte lokala i Nordstrandfjørå. Dagleg leiar Anders Bjørnerem ga ei engasjert og spennande innføring i dei utfordringane og moglegheitene fiskeflåten i Giske møter.

1. november 2025

Vellukka rekefest

Giske Rotaryklubb arrangerte ein flott fest for klubbane på nordre Sunmøre og andre inviterte gjester på Mjølner fredag 31. oktober

24. oktober 2025

Guvernørbesøk

Torsdag 23. oktober fekk klubben besøk av distriktsguvernør Morten Mo.. Det var "stinn brakke" i lokala til Vigra Aktivitets- og Frivilligsentral.

17. oktober 2025

Poliodagen 2025

Poliodagen vert markert 24. oktober, og i samband med dette var arbeidet for å utrydde polio tema for klubbmøtet 16. oktober

11. oktober 2025

Psykisk helse

Klubben markerte verdsdagen for psykisk helse på klubbmøtet 9. oktober 2025

2. oktober 2025

Sesongens siste naturmøteplass

Det var eit strålande fint haustvêr i dag då vi møttest på sesongens siste naturmøteplass. Mange glade vandrarar stakk innom og fekk kaffi og nystekte vaflar. Vi startar opp att til våren..

12. september 2025

Byvandring i Ålesund

Torsdag 11. september gjekk vi byvandring i Ålesund., guida av Linda rørvik.

12. september 2025

Naturmøteplass 10. september 2025

Stort oppmøte i gapahuken i det vakre og varme septembervêret