Vigra aktivitets- og frivilligsentral
Klubbkveld hos Vigra Aktivitets- og Frivillighetssentral (VAF)
Dato: Torsdag 21. august 2025 Stad: Roald, Vigra Vertskap: Jarle Molnes og Atle Varhaugvik
Giske Rotaryklubb hadde gleda av å besøkje Vigra Aktivitets- og Frivillighetssentral (VAF) i dei nye lokala på Roald. Vi vart møtte med varme smil, kaffi og småkaker, og president Arnfinn ønskte velkomen til møtet.
Historia bak VAF
Jarle Molnes delte historia om korleis nokre engasjerte vaksne fekk ideen til å starte VAF. Med eit styre på fire personar og hjelp frå frivillige, har dei lagt ned eit imponerande arbeid med å forvandle eit slitent lagerrom til eit lyst og triveleg møtelokale. Jonny Furnes, eitt av styremedlemmene, eig bygget og har gitt VAF tilgang til lokala.
Samarbeid og visjon
VAF er ein privat og sjølvstendig organisasjon, men har eit tett samarbeid med Giske Frivilligsentral. Målet er å skape ein inkluderande møteplass for alle – uavhengig av helse, religion, etnisitet, kjønn eller legning. VAF ønskjer å bidra til ein betre kvardag for både barn, ungdom, vaksne og eldre.
Planar framover
Molnes fortalde om mange spennande planar, mellom anna:
Ungdomsaktivitetar
Temakveldar
Kurs med maritimt fokus
Finansieringa skjer gjennom donasjonar, medlemskontingent og søknader om støtte frå ulike aktørar i Noreg.
Ei takk frå klubben
President Arnfinn avslutta med å takke for eit inspirerande møte og overrekte kvar si gåvepose med ultralokalt brent kaffi frå Vigra Kaffebrenneri til Molnes og Varhaugvik som ei lita takk for gjestfridomen.
Tusen takk til VAF for ein lærerik og hyggeleg klubbkveld!
Frå venstre: Atle Varhaugvik, Arnfinn Vartdal og Jarle Molnes
27. mars 2026
Bedriftsbesøk hos E-design og Lotte sko & garn
Torsdag 26. mars var vi invitert til å besøke E-design i skaret på Valderøya
21. mars 2026
Sverre fortel om hummaren
torsdag 19. mars fortalde Sverre Ola Roald om hummaren, denne havets kardinal som "alle" vil ha.
1. mars 2026
Bli fosterforeldre
Turid Giskeødegård fortalde om sitt arbeid med å rektruttere og lære opp fosterforeldre, og oppmoda alle om å vurdere å bli fosterforeldre.
20. februar 2026
Politikontakt Daniel Ludvigsen på besøk
Torsdag 19. februar hadde vi besøk av politiførstebetjent Daniel Ludvigsen, politikontakt for Giske kommune. Han har vore Giske sin kontaktperson i politiet sidan 2019, og driv med kriminalitetsførebyggande arbeid.
6. februar 2026
Besøk på Giske ungdomsskule
Torsdag 5. februar var vi på besøk hos rektor Gry Støbakk Ytterland på Giske ungdomsskule for å få litt meir greie på korleis det er å vere rektor.
30. januar 2026
Bedriftsbesøk til Grøde Hagedesign
Torsdag 29. januar 2026 var vi på besøk hos Grøde Hagedesign på Valderøya.
26. januar 2026
Merittert undervisar Sven Inge Molnes på besøk
Dosent Sven Inge Molnes ved sjukepleieutdanninga i Ålesund.er tildelt utmerkinga som merittert undervisar. Torsdag 22. januar besøkte han klubben i våre lokale hos VAF - Vigra Aktivitets og Frivilligsenter. Foto: Børge Sandnes, NTNU
12. desember 2025
Juleavslutning i "Grotten"
Torsdag 11. desember 2025 var vi for tredje år på rad samla i Leiren hos Britt og Per Otto til julegløgg og til julesong i "grotten" - den gamle tyskerbunkeren i hagen deira.
22. november 2025
20.11.2025 Besøk hos Nordnes-gruppa på Gjøsund
Nordnes-gruppa driv fleire fiskebåtar, mellom andre trålarane Nordstar og Nordbas, og er sterkt engasjert i utbygginga av Gjøsund hamn.
14. november 2025
Besøk hos Nordic Wildfish
Torsdag 13. november 2025 var vi på bedriftsbesøk hos Nordic Wildfish i dei nyrenoverte lokala i Nordstrandfjørå. Dagleg leiar Anders Bjørnerem ga ei engasjert og spennande innføring i dei utfordringane og moglegheitene fiskeflåten i Giske møter.